Hindistan çox əsrlər bundan əvvəl sivilizyasiyanın ilk yarandığı ölkələrdən biridir. Burda indi də insanların min illər ərzində tikdiyi heykəllər, abidələr qorunub saxlanılır. Lakin bunlardan ən məşhuru Aqra şəhərində yerləşən Tac-Mahal mavzoleyidir.

Çox illər bundan əvvəl dahi Maqolların hakimiyyəti dövründə Aqra şəhəri təkcə imperiyanın paytaxtı deyil, həmçinin təhsil və mədəniyyyətin də mərkəzi sayılırdı. Müasir dövrdə isə Aqra dünyanın hər yerindən bura axışan turistlərin ziyarət məkanına çevrilib. Şəhərdə maraqlı tikililər az deyil, lakin insanları bura cəlb edən məhz bu abidədir. Tac Mahal- Hindistanın Aqra şəhərində, Yamuna gölünün sahilində yerləşən məscid-mavzoleyidir. Məşhur memar Ustad İsa və digər memarlar tərəfindən tiklən bu mavzoley maqolların imperatoru Şah Cahan tərəfindən, doğuş zamanı ölən arvadı Mumtaz Mahalın xatirəsinə ucalmışdır. İllər sonra vəfat edən Şah Cahan da burada dəfn olunmuşdir. Tikilinin tarixi 1630-1652-ci illərə aid qey edilir.

Həyat yoldaşı 14-cü uşağını dünyaya gətirərkən doğuş zamanı ölən və heç nədə təsəlli tapa bilməyən Şah Cahan sevimli arvadının xatirəsini əbədiləşdirmək qərarına gəlir və bu Mavzoleyi tikdirir. Mavzoley 18 il müddətinə tikilib. Gölün digər sahilində qara mərmərdən eyni ilə bu binanın oxşarı tikilməli idi və bu iki binanı boz mərmərdən qurulan körpü birləşdirməlidi. Lakin Şah bu ideanı həyata keçirə bilməmiş, və ölümündən imperatoru arvadının yanında dəfn etmişlər.

Tac-Mahal platformasında hündürlüyü 74 m olan 5 gümbəzdən ibarət tikilidir. Künc tərəflərdə 4 minarəsi var. Divarlarına əlvan daşlardan və hamar yarımşəffaf mərmərdən bəzəklər vurulub. Bu bəzəklərdə qiymətli daşlardan da istifadə olunmuşdur. Mərmərin belə bir xüsusiyyəti var- parlaq gün işığında ağ, sübh vaxtı çəhrayı, aylı gecədə isə gümüşü rəngə çalır. Buna görə də abidə günün hər vaxtında möhtəşəm görünür.