Bakı. 16 fevral. / Almaniyanın Oberhausen şəhərində kimyəvi zavodun anbardan sulfat turşusu buxarlarının sızması faktı qeydə alınıb.

"Report" TASS-a istinadən xəbər verir ki, yanğınsöndürənlər su şırnaqları ilə diametri bir neçə yüz metr olan zəhərli qaz buludunu dağıtmağa çalışırlar.

Hazırda bu ərazidə yaşayan sakinlərə evi tərk etməmək və bütün qapı-pəncərələri bağlamaq tövsiyə edilib. Bir neçə magistral yol bağlanıb.

Məlumata görə, anbarın tutumu 600 kubmetr təşkil edir.