İtaliya millisinin baş məşqçisi Antonio Konte "Avro-2016"nın 1/4 finalında Almaniyaya məğlub olduqları qarşılaşmadan sonra açıqlama verib. Sport7.az xəbər verir ki, təcrübəli mütəxəssis bunları deyib:

"Çox məyusuq. Futbolçularım yarımfinala vəsiqə qazanmağa layiq idilər. Dünya çempionuna qarşı hər şeylərini ortaya qoydular. Penaltilər seriyasında məğlub olmağımız bizi məyus etdi. Buna baxmayaraq, futbolçularımla qürur duyuram. Milli komanda ilə son matça çıxdım. Amma gələcəkdə bu vəzifəyə yenidən gələcəm. İndi isə məni önəmli vəzifə gözləyir. Bu, əbədi vida deyil".