Loading...
Magistraturaya ixtisas seçimi başlayıb

Magistraturaya ixtisas seçimi başlayıb

Loading...
Magistraturaya ixtisas seçimi başlayıb

2016/2017-ci tədris ili üçün Azərbaycan Respublikası ali təhsil müəssisələrinin və Azərbaycan Milli Elmlər Akademiyasının (AMEA) magistraturalarına qəbul olunmaq istəyən bakalavrların ixtisaslaşma seçimi iyunun 9-da başlanıb və iyunun 19-dək davam edəcək.

Qaynarinfo.az AZƏRTAC-a istinadən bildirir ki, Tələbə Qəbulu üzrə Dövlət Komissiyasından verilən məlumata görə, ixtisas seçiminə cari ildə magistraturaya keçirilən qəbul imtahanının iki mərhələsinin nəticələrinə əsasən minimal müsabiqə şərtlərini ödəmiş bakalavrlar buraxılırlar.

Bakalavrlar "Bakalavrın elektron ixtisaslaşma seçimi ərizəsi"ndə imtahan verdiyi qəbul proqramına aid dövlət sifarişi əsasında və ödənişli əsaslarla olan müəyyənləşdirilmiş 20-dək ixtisaslaşma kodunu göstərə bilərlər. Bakalavrlar seçdiyi ixtisaslaşmaları istədiyi ardıcıllıqla TQDK-nın internet saytında öz elektron ərizə formasına daxil edir. Hər bir ixtisaslaşma üzrə dövlət sifarişi əsasında və ya ödənişli əsaslarla təhsil almaq istədiyini göstərir və öz ixtisaslaşma seçimini təsdiqləyir.

Seçilmiş ixtisaslaşmaların ərizə formasında göstərilən ardıcıllığı müsabiqə zamanı hüquqi əsas kimi qəbul olunur və bakalavr topladığı bala əsasən müsabiqədən keçdiyi ixtisaslaşmaların birincisinə yerləşdirilir.

AMEA-nın magistraturasına qəbul müsabiqə Azərbaycan və rus bölmələri üzrə birgə olmaqla yalnız dövlət sifarişi əsasında aparılır. Müsabiqə şərtini ödəyən və AMEA-nın magistratura ixtisaslaşmalarına qəbul olunmaq istəyən bakalavrlar iyunun 9-dan 12-dək elektron qeydiyyatdan, iyunun 13-də və14-də isə AMEA-da müsahibədən keçməlidirlər.

Müsahibədən müvəffəqiyyətlə keçmiş namizədlər ixtisas seçimində AMEA-nın ixtisaslaşmalarını qeyd edə bilərlər.

"Magistr" jurnalının dördüncü nömrəsində bütün ixtisaslarla və plan yerləri ilə tanış olmaq mümkündür.

Qaynarinfo.az
Loading...

OXŞAR XƏBƏRLƏR

Загрузка...

SON XƏBƏRLƏR