Loading...
Dəyişkən havaların dəyişməz xəstəliyi - boğaz ağrıları
Maraqlı
- 30 Oktyabr, 2013
- 3 091 Baxış
Loading...
Qırtlağın iltihabı zamanı qara gavalının yarpağı qaynadılıb süzgəcdən keçirilir və boğaz qarqara edilir.Bu əməliyyat iltihabı aradan qaldırır,nəfəs borusunun əzələlərini möhkəmləndirir.
Əzvayı isti suda həll edib qarqara etdikdə iltihabın qarşısını alınır.Dilarxası hissənin iltihabı zamanı xardalı narın döyüb şərbət ilə qatır,qarqara edirlər. Sadə vasitələrdən biri də ilıq sudur. O nəfəs borusu və sinə üçün faydalıdır.Boğazın iltihabı artarsa , üzünün kəfi alınmış baldan isti suda şərbət hazırlanır və boğaz qarqara edilir.Bişirilmiş ilıq süd də yaxşı təsir göstərir.Ağrılı iltihaba qarşı cövüz qabığından suyunu çıxarıb şəkər ilə qatır və boğazı qarqara edirlər .Nar da faydalıdır. Boğazı qarqara etmək üçün 1 ədəd şirin, 1 ədəd turş narı qabıqlı halda qaynadıb tumunu təmizlədikdən sonra şirəsini istifadə edirlər.
Boğaz ağrısına qarşı təsirli vasitələrdən biri əzgil yarpağının qaynanmış suyu ilə gündə 3 dəfə qarqara etməkdir.
Boğaz ağrısı,boğaz gəlməsi (angina) , səs tutulması, nəfəs borusunun iltihabı zamanı lavanda çiçəyinin dəmləməsi də faydalıdərmanlardan biridir. Bu zaman 50 q. çiçəyi, 1 litr qaynadılmış suda dəmləyib süzür,bir qədər bal qatıb yemək arası 1 fincana qədər işlədirlər.
Qabıqsız arpanı suda qaynadıb suyu atır,sonra onun üzərinə ikinci dəfə su töküb yenidən qaynadır,parçadan süzüb gündə 3-4 dəfə boğazı qarqara edirlər.
Soyuqdəymədən boğazda iltihab olarsa şalğam şərbətindən istifadə edirlər. Şalğamın içini oyub oraya şəkər tökdükdə,bir müddətdən sonra həmin yerə su yığılır. Yığılan suyu qaşıqla içmək məsləhətdir.
Şalğam mürəbbəsi də boğaz ağrıları üçün xeyirlidir.
Boğaz ağrıları və iltihab zamanı işlənən yaxşı vasitələrdən biri də dağ yarpızının məhlulu ilə qarqara etməkdir.Bunun üçün quru yarpızı qaynanmış suda dəmləyib süzür, soyumamış halda boğazı qarqara edirlər.
Gülxətmi infeksiyalı ağrılar zamanı faydalı,nəfəs yolları üçün xeyirlidir.Onunla qarqara etmək müsbət təsir göstərir.
Təngənəfəslik vaxtı istifadə edilən zirinc şərbəti,boğaz ağrıları üçün də faydalı hesab olunur.Onun saxlanma müddəti də çoxdur. Həmin şərbəti qaşıqla içmək və ya bir qədər su qataraq işlətmək olar.
50 q. reyhan çiçəyini, yarpaq və qol-qanadını 1 litr qaynanmış suda dəmləyib süzür, sonra bal və ya şəkərlə qatıb gündə bir neçə dəfə qarqara edirlər.
Quru ənciri süddə bişirib boğaz ağrısı və boğaz şişi zamanı işlətmək faydalıdır.
Şahtut şərbəti də xeyirlidir. Onun şirəsini çıxarır, 2 özü qədər şəkərlə qatıb mülayim odda qatı şərbət əmələ gələnə qədər qarışdırırlar. Sonra şərbəti süzür, arpa suyu ilə qatıb boğazı qarqara edirlər.Qara turp da anginaya qarşı faydalıdır . Boğaz ağrısı və angina zamanı limon suyunu ilıq su ilə qatışdırb, gündə bir neçə dəfə boğazı qarqara etmək lazımdır.
Loading...
OXŞAR XƏBƏRLƏR
Загрузка...
