“İnter” klubunun kapitanı olan argentinalı futbolçu Xavyer Zanetti xəstəxanaya düşüb. İtaliya çempionatının son turunda “Palermo” ilə qarşılaşmada qarnından top zərbəsi alan futbolçu matçın sonunda nəfəs almaqda çətinlik çəkib.

Bundan sonbra futbolçu xəstəxanaya çatdırılıb. Burada isə həkimlər Zanettidə ciddi zədə aşkar etməyiblər.

Xatırladaq ki, Xavyer Zanettinin zədələndiyi oyunda “İnter” rəqibini 2:1 hesabı ilə məğlub edib. Milan təmsilçisinin heyətində hər iki qola kamerunlu Samuel Eto'О imza atıb.