Fon yüklənir...

Gürcüstandan gətirilən avtomobillərlə bağlı ŞOK FAKTLAR

Gürcüstandan gətirilən avtomobillərlə bağlı ŞOK FAKTLAR

 
Almaniya İctimai Televiziyasının tədqiqatçı jurnalistləri Almaniyadan Gürcüstana satış məqsədilə avtomobil daşınması barədə videosüjet hazırlayıblar

Gürcüstanın "Rustavi-2” telekanalında da nümayiş etdirilən videosüjetdə böyük bir fırıldaqçı şəbəkənin fəaliyyətindən söz açılır.

Qeyd olunur ki, Almaniyada qəzadan sonra yüzlərlə avtomobil kəsilərək iki hissəyə bölünür və həmin vəziyyətdə də konteynerlərdə Gürcüstana – Batumi limanına gətirilir. Gürcüstanda isə həmin "bölünmüş avtomobillər" yenidən yığılır və "təzə” qiymətinə müxtəlif vətəndaşlara satılır.

Almaniyalı jurnalistlər fırıldaqçıları müşahidə edərkən, belə konteynerlərdən birini Batumi limanında aşkarlayıblar. Həmin konteynerdəki yararsız avtomobillər Tbilisidə götürülərək "yığılma”ya göndərilib. Ortalama olaraq, belə bir avtomobilin Gürcüstanda qiyməti 7400 ABŞ dolları təşkil edir.

Videosüjetdə bildirilir ki, avtomobilləri hissələrə bölünmüş halda gətirmək həm də yerə qənaət baxımından fırıldaqçılara sərf edir – bir konteynerdən ən azı 20 min avro gəlir əldə edə bilirlər.

Bu cür avtomobillərin analoji yolla Almaniyadan Şərqi Avropa və Afrika ölkələrinə də aparıldığı qeyd olunur.

Ekspert Hans Ulriz Zander vurğulayıb ki, "yığılma” və "qaynaq” prosesi nə qədər yaxşı aparılsa da, bu avtomobillər "tullantı” hesab olunmalıdır: "Hər hansı qəza zamanı bu avtomobillərin insan həyatı üçün təhlükəsizliyi sıfıra bərabərdir”.

Qeyd edək ki, "ucuz” alman avtomobili almaq üçün Gürcüstana üz tutan azərbaycanlılar az deyil.

ŞƏRHLƏR

Ahu 05

8 Aprel 2015 13:39

xebere gore tesekkurler.

elena

7 Aprel 2015 17:10

Xəbərə görə təşəkürlər

Məlumat

Sayta Qonaq kimi daxil olan ziyarətçilər rəylərini bildirə bilməzlər. Zəhmət olmasa Qeydiyyatdan Keçin və ya sayta öz hesabınızla daxil olun.
Geniş Yığcam